ലോക്‌സഭാ തിരഞ്ഞെടുപ്പ്; വിടുതലൈ ചിരുതൈകൾ കക്ഷി കേരളത്തിലും മത്സരിക്കും

നിലവിൽ ഡി.എം.കെ. ഉൾപ്പെടുന്ന ‘ഇന്ത്യ’ സഖ്യത്തിന്റെ ഭാഗമാണ് വി.സി.കെ. ലോക്‌സഭാ തിരഞ്ഞെടുപ്പിനു മുന്നോടിയായി ‘ഇന്ത്യ’ സഖ്യത്തിന്റെ തമിഴ്നാട്ടിലെ ആദ്യ പ്രചാരണറാലി തിരുച്ചിറപ്പള്ളിയിൽ സംഘടിപ്പിച്ചത് വി.സി.കെ. ആയിരുന്നു. 2017 മുതൽ ഡി.എം.കെ.-കോൺഗ്രസ് സഖ്യത്തിനൊപ്പം നിൽക്കുന്ന വി.സി.കെ.ക്ക് നിലവിൽ രണ്ട് എം.പി.മാരും നാലു എം.എൽ.എ.മാരുമുണ്ട്. വരുന്ന തിരഞ്ഞെടുപ്പിൽ വി.സി.കെ.ക്ക് ഡി.എം.കെ. ഇനിയും സീറ്റ് അനുവദിച്ചിട്ടില്ല.