രക്ഷാപ്രവർത്തനം ആക്രമണത്തിനുള്ള കോഡായി കാണരുതെന്ന് റവന്യൂ മന്ത്രി കെ.രാജൻ

രക്ഷാപ്രവർത്തനം ആക്രമണത്തിനുള്ള കോഡായി കാണരുതെന്ന് റവന്യൂ മന്ത്രി കെ.രാജൻ പറഞ്ഞു. കലയശേരി വിഷയത്തിൽ മാത്രമാണ് മുഖ്യമന്ത്രി രക്ഷാപ്രവർത്തനം എന്ന വാക്ക് ഉപയോഗിച്ചതെന്നും അദ്ദേഹം പറഞ്ഞു. നവകേരള സദസ് ഉദ്ദേശിച്ച ലക്ഷ്യം പൂർത്തീകരിക്കുകയും സംസ്ഥാനം ലോകത്തിന് മുന്നിൽ വെച്ച പുതിയ മാതൃകയാണെന്നും രാജൻ പറഞ്ഞു.

സദസിൽ ലഭിക്കുന്ന പരാതികൾ വിവിഐപി അടിസ്ഥാനത്തിൽ പരിഹരിക്കും. സർക്കാരിന് ലഭിക്കുന്ന എല്ലാ പരാതികൾക്കും മറുപടി നൽകുമെന്നും രാജൻ പറഞ്ഞു. ഡിസംബർ 17 മുതൽ ഉയർന്നുവന്ന എത്ര ആരോപണങ്ങൾ കെട്ടിക്കിടക്കുന്നുണ്ടെന്ന് പരിശോധിക്കണമെന്നും അദ്ദേഹം ആവശ്യപ്പെട്ടു.