മേയർ തെരഞ്ഞെടുപ്പ്; ചണ്ഡിഗഢിൽ ബിജെപിക്ക് തിരിച്ചടി; അസാധുവാക്കിയ ബാലറ്റുകൾ സുപ്രീംകോടതി സാധുവാക്കി

ന്യൂഡൽഹി: ചണ്ഡിഗഢ് മേയർ തെരഞ്ഞെടുപ്പിൽ അസാധുവാക്കിയ ബാലറ്റുകൾ സുപ്രീംകോടതി സാധുവാക്കി. റിട്ടേണിങ് ഓഫിസർ അസാധുവാക്കിയ എട്ട് വോട്ടുകളും സാധുവാണെന്നും ഇവയെല്ലാം ലഭിച്ചത് എ.എ.പി സ്ഥാനാർഥി കുൽദീപ് കുമാറിനാണെന്നും ചീഫ് ജസ്റ്റിസ് ഡി.വൈ. ച​ന്ദ്രചൂഢ് അധ്യക്ഷനായ മൂന്നംഗ ബെഞ്ച് ബാലറ്റ് പരിശോധനക്ക് ശേഷം തീർപ്പ് കൽപിച്ചു.

എട്ട് ബാലറ്റ് പേപ്പറുകൾ എണ്ണി ഫലം പ്രഖ്യാപിക്കണമെന്ന് സുപ്രീം കോടതി ഉത്തരവിട്ടതോടെ എ.എ.പിയുടെ കുൽദീപ് കുമാർ മേയറാകും.  ബാലറ്റിൽ കൃത്രിമം നടത്തിയ പ്രിസൈഡിങ് ഓഫിസർ അനിൽ മസീഹിനെതിരെ കോടതിയലക്ഷ്യത്തിന് നടപടിയെടുക്കാൻ പഞ്ചാബ്-ഹരിയാന ഹൈകോടതി രജിസ്ട്രാറോട് കോടതി നിർദേശിച്ചു.