പുരുഷന്മാരിൽ പ്രോസ്റ്റേറ്റ് ക്യാൻസര്‍ കൂടുന്നു: ഇവ നിങ്ങൾ ശ്രദ്ധിക്കാതെ പോകരുത്

പ്രോസ്റ്റേറ്റ് ക്യാൻസര്‍ പുരുഷന്മാരിൽ കൂടുതലായി കാണപ്പെടുന്നു എന്നാണ് പഠനങ്ങൾ സൂചിപ്പിക്കുന്നത്. പകുതിയിലധികം വ്യക്തികളും ക്യാൻസർ തിരിച്ചറിയുന്നതിൽ കാലതാമസം എടുക്കും. ക്യാൻസറിലേക്ക് ശരീരത്തെ കൊണ്ടെത്തിക്കുന്നതിൽ പല ഘടകങ്ങളുണ്ട്.

പുരുഷന്മാരെയും, മദ്ധ്യവയസിലേക്കെത്തിയവരെയും അതിന് മുകളില്‍ പ്രായമുള്ളവരെയും ബാധിക്കാവുന്നൊരു ക്യാൻസര്‍ ആണ് പ്രോസ്റ്റേറ്റ് ക്യാൻസര്‍. പ്രോസ്റ്റേറ്റ് ഗ്രന്ഥിയെ ബാധിക്കുന്ന അര്‍ബുദമാണിത്. ആദ്യ ഘട്ടങ്ങളിൽ പ്രോസ്റ്റേറ്റ് ക്യാൻസറിന്റെ ലക്ഷണങ്ങൾ കണ്ടെത്തുവാൻ വളരെ ബുദ്ധിമുട്ടാണ്

പ്രോസ്റ്റേറ്റ് ക്യാൻസർ  വരാനുള്ള കാരണങ്ങളിലൊന്ന് പാരമ്പര്യമാണ്. മുൻപ് കുടുംബത്തിൽ ആർക്കെങ്കിലും  അസുഖം വന്നിട്ടുണ്ടെങ്കിൽ തുടർന്ന് വരുവാനുള്ള സാധ്യത ഉണ്ട്. പ്രോസ്റ്റേറ്റ് ക്യാൻസർ വരാതിരിക്കുവാൻ ജീവിത ശൈലികൾ മെച്ചപ്പെടുത്തുക എന്നത് മാത്രമാണ്. കൃത്യമായ ഭക്ഷണ രീതികൾ, വ്യായാമം, ഉറക്കം എന്നിവ ചിട്ടപ്പെടുത്തുക വളരെ അത്യാവശ്യമാണ്.