ഛത്തിസ്​ഗഡിൽ മാവോയിസ്റ് ഭീകരാക്രമണത്തിൽ സായുധ സേനാം​ഗം വീരമൃത്യു വരിച്ചു

ഛത്തിസ്​ഗഡിൽ ഭീകരാക്രമണത്തിൽ സായുധ സേനാം​ഗം വീരമൃത്യു വരിച്ചു. ഛത്തിസ്​ഗഡിലെ ബിജാപൂരിലാണ് കമ്യൂണിസ്റ്റ് ഭീകരാക്രമണം നടന്നത്. സിഎഎഫ് ടീമിനെ നയിച്ചിരുന്ന കമാൻഡർ തിജൗ റാം ഭുര്യയാണ് വീരമൃത്യു വരിച്ചത്. രാവിലെ 9.30നായിരുന്നു ആക്രമണം. ബിജാപൂരിലെ മാർക്കറ്റിൽ സായുധ സേനാം​ഗങ്ങളുടെ പട്രോളിംഗിനിടെയാണ് ഉദ്യോ​ഗസ്ഥരെ കമ്യൂണിസ്റ്റ് ഭീകരർ ആക്രമിച്ചത്.

ഗ്രാമത്തിലെ മാർക്കറ്റുകൾ കേന്ദ്രീകരിച്ച് സിഎഎഫ് സംഘം പട്രോളിം​ഗ് നടത്തിയിരുന്നു. പരിശോധനക്കിടെ മാരകായുധങ്ങളുമായെത്തിയ ഭീകരർ ഉദ്യോ​ഗസ്ഥരെ ആക്രമിക്കുകയായിരുന്നു. ​പ്രദേശത്ത് പരിശോധന ശക്തമാക്കിയിട്ടുണ്ടെന്ന് ഉദ്യോ​ഗസ്ഥർ അറിയിച്ചു.