മദ്യനയക്കേസ്; മാർച്ച് 16-ന് ഹാജരാകാൻ കെജ്‌രിവാളിനോട് കോടതി

മദ്യനയക്കേസിൽ തുടർച്ചയായി സമൻസയച്ചിട്ടും ഹാജരാകുന്നില്ലെന്ന ഇ.ഡി. ഹർജിയിൽ മാർച്ച് 16-ന് നേരിൽ ഹാജരാകണമെന്ന് ഡൽഹി മുഖ്യമന്ത്രി അരവിന്ദ് കെജ്‌രിവാളിനോട് ഡൽഹി റൗസ് അവന്യൂ കോടതി. ശനിയാഴ്ച ഹർജി പരിഗണിച്ചപ്പോൾ വീഡിയോ കോൺഫറൻസ് മുഖേന കോടതിയിൽ ഹാജരായ കെജ്‌രിവാൾ, നിയമസഭാസമ്മേളനം നടക്കുന്നതും വിശ്വാസപ്രമേയം ചർച്ചയ്ക്കെടുക്കുന്നതും ചൂണ്ടിക്കാട്ടി നേരിൽ ഹാജരാകുന്നതിലെ ബുദ്ധിമുട്ടറിയിച്ചു.