വികസനവിഷയത്തിൽ പാർട്ടി കേന്ദ്രീകരിക്കണമെന്ന് പ്രധാനമന്ത്രി

ഡൽഹിയിലെ ഭാരത് മണ്ഡപത്തിലാണ് യോഗങ്ങൾ. പഞ്ചായത്ത് ഭാരവാഹികൾമുതൽ 11,500 പ്രതിനിധികളാണ് പങ്കെടുക്കുന്നത്. കേരളത്തിൽനിന്ന് 210 പ്രതിനിധികൾ പങ്കെടുക്കും.ബി.ജെ.പി. ജയിക്കുന്ന 370 സീറ്റ് മുതിർന്ന നേതാവ് ശ്യാമപ്രസാദ് മുഖർജിക്കുള്ള ആദരവാണെന്ന് മോദി പറഞ്ഞു. ജമ്മു-കശ്മീരിന് പ്രത്യേകപദവി വ്യവസ്ഥചെയ്ത ഭരണഘടനയുടെ 370-ാം അനുച്ഛേദം റദ്ദാക്കണമെന്ന് തുടക്കംമുതൽ ആവശ്യപ്പെട്ട നേതാവാണ് ശ്യാമപ്രസാദ് മുഖർജി. ഓരോ ബൂത്തിലും 2019-ൽ നേടിയതിനെക്കാൾ 370 വോട്ടുകൾ വീതം കൂടുതൽ നേടണമെന്നും പ്രവർത്തകർക്ക് പ്രധാനമന്ത്രി നിർദേശം നൽകി.