കർണാടകത്തിൽ ബോർഡുകളുടെ മേൽഭാഗത്ത് 60 ശതമാനം കന്നഡയിൽ എഴുതണമെന്ന് നിർബന്ധമാക്കുന്ന ബിൽ നിയമസഭയിൽ

കടകളുടെയും ആശുപത്രികളുടെയും ലബോറട്ടറികളുടെയും ഹോട്ടലുകളുടെയും ട്രസ്റ്റുകളുടെയും വിനോദകേന്ദ്രങ്ങളുടെയും കൗൺസലിങ് കേന്ദ്രങ്ങളുടെയും ഉൾപ്പെടെ ബോർഡുകൾക്ക് ഇത് ബാധകമാകുമെന്നും ബിൽ വ്യവസ്ഥചെയ്യുന്നു. സംസ്ഥാന സർക്കാർസ്ഥാപനങ്ങൾ, പൊതുമേഖലാസ്ഥാപനങ്ങൾ, സഹകരണസ്ഥാപനങ്ങൾ, വിദ്യാഭ്യാസസ്ഥാപനങ്ങൾ, ബാങ്കുകൾ, ധനകാര്യസ്ഥാപനങ്ങൾ, സർവകലാശാലകൾ എന്നിവയും നിയമത്തിന്റെ പരിധിയിൽവരും.