മൂടൽമഞ്ഞ്: ബെംഗളൂരുവിൽ 46 വിമാനങ്ങൾ പുറപ്പെടാൻ വൈകി

കനത്തമൂടൽമഞ്ഞുമൂലം ചൊവ്വാഴ്ച രാവിലെ ബെംഗളൂരു അന്താരാഷ്ട്ര വിമാനത്താവളത്തിൽനിന്നുള്ള 46 വിമാനങ്ങൾ പുറപ്പെടാൻ വൈകി. ബെംഗളൂരുവിൽ ഇറങ്ങേണ്ട നാല് വിമാനങ്ങൾ വഴിതിരിച്ചുവിട്ടു. ഡൽഹി, അഹമ്മദാബാദ്, മുംബൈ എന്നിവിടങ്ങളിൽനിന്നുള്ള വിമാനങ്ങൾ ചെന്നൈയിലേക്കാണ് തിരിച്ചുവിട്ടത്. മുംബൈയിൽനിന്നെത്തിയ മറ്റൊരു വിമാനം കോയമ്പത്തൂരിലേക്കും തിരിച്ചുവിട്ടു. ഈ വിമാനം രാവിലെ ഒമ്പതേമുക്കാലോടെ ബെംഗളൂരുവിലേക്ക് മടങ്ങി.