പിഎസ്‌സി പരീക്ഷയിൽ ആൾമാറാട്ടം : ഇൻവിജിലേറ്ററെ കണ്ട് യുവാവ് ഓടിരക്ഷപ്പെട്ടു

പിഎസ്‌സി പരീക്ഷയിൽ ആൾമാറാട്ടം നടത്തിയ യുവാവ് പിടിക്കപ്പെടുമെന്ന് ഉറപ്പായപ്പോൾ ഹാളിൽ നിന്ന് ഓടി. യൂണിവേഴ്സിറ്റി ലാസ്റ്റ് ഗ്രേഡ് (മെയിൻ) പരീക്ഷയിലാണ് തട്ടിപ്പ് ശ്രമം നടന്നത്. യുവാക്കളെ തിരിച്ചറിയാനുള്ള ശ്രമം തുടങ്ങിയിട്ടുണ്ട്. പിഎസ്‌സി പോലീസിൽ പരാതി നൽകും. പൂജപ്പുര ചിന്നമ്മ മെമ്മോറിയൽ ഗേൾസ് ഹൈസ്‌കൂളിൽ നടന്ന പരീക്ഷയ്ക്കിടെയാണ് സംഭവം.

രാവിലെ 7.15 മുതൽ 9.15 വരെയായിരുന്നു പരീക്ഷ. 52,879 പേരാണ് സംസ്ഥാനതല പരീക്ഷ എഴുതിയത്. ഹാൾ ടിക്കറ്റിലെ ഫോട്ടോയും ഉദ്യോഗാർത്ഥിയും പരീക്ഷാ ഡ്യൂട്ടിയിലുള്ള ഉദ്യോഗസ്ഥർ പരിശോധിക്കും. ആധാറുമായി ബന്ധിപ്പിച്ച വ്യക്തികളുടെ വിവരങ്ങൾ ബയോമെട്രിക് പരിശോധനയിലൂടെ വിലയിരുത്തും. രേഖകൾ പരിശോധിക്കാൻ ഇൻവിജിലേറ്റർ എത്തിയപ്പോൾ യുവാവ് ഓടി രക്ഷപ്പെട്ടു. പിഎസ്‌സി ജീവനക്കാർ പിന്നാലെ ഓടിയെങ്കിലും പുറത്ത് കാത്തുനിന്ന യുവാവ് ബൈക്കിൽ രക്ഷപ്പെട്ടു.

പിഎസ്‌സി ചെയർമാനുമായി ആലോചിച്ച ശേഷം ഇന്ന് പരാതി നൽകുമെന്ന് പിഎസ്‌സി അധികൃതർ അറിയിച്ചു. സീറ്റിൽ ഹാൾ ടിക്കറ്റ് നമ്പർ എഴുതിയിരുന്നതിനാൽ ഓടിപ്പോയ ആളെ കണ്ടെത്താൻ സാധിച്ചു. ഹാൾ ടിക്കറ്റ് ഉപയോഗിച്ച് അപേക്ഷകനെ കണ്ടെത്താനാകും. ഇയാളെ ചോദ്യം ചെയ്താൽ ഒളിവിൽ പോയ പ്രതിയെ പിടികൂടാനാകും.