പാഴ്‌കുപ്പികൾകൊണ്ട് പൂന്തോട്ടം തീർത്ത് കട്ടപ്പന ജി.ടി.എച്ച്.എസ്.

കട്ടപ്പന : ഗവ. ട്രൈബൽ ഹയർ സെക്കൻഡറി സ്കൂൾ എൻ.എസ്.എസ്. യൂണിറ്റ് പുതിയ ബസ്‌സ്റ്റാൻഡിൽ സ്നേഹാരാമം തയ്യാറാക്കി. ഉപയോഗിച്ചശേഷം വലിച്ചെറിയുന്ന പ്ലാസ്റ്റിക് കുപ്പികൾ ശേഖരിച്ചാണ് കുട്ടികൾ വെർട്ടിക്കൽ ഗാർഡൻ തയ്യാറാക്കിയത്. നഗരസഭയുമായി ചേർന്ന് നടത്തിയ പദ്ധതിയിൽ മാലിന്യ സംസ്കരണ സന്ദേശങ്ങൾ വൊളന്റിയർമാർ പങ്കുവെച്ചു. എൻ.എസ്.എസ്. കോ-ഓർഡിനേറ്റർ സി.വി. ശ്രീജ നേതൃത്വം നൽകി. രക്ഷാകർത്താക്കളും പി.ടി.എ. അംഗങ്ങളും പങ്കെടുത്തു.