നാട്ടിൽ ക്രിസ്മസ് ആരവം…

ചങ്ങനാശ്ശേരി : ക്രിസ്മസ് ആഘോഷങ്ങളുടെ ഭാഗമായി തെങ്ങണ ഗുഡ്‌ഷെപ്പേർഡ് പബ്ലിക് സ്‌കൂൾ ആൻഡ് ജൂനിയർ കോളേജിൽ വ്യത്യസ്തമായ ക്രിസ്മസ് ട്രീ. സ്‌കൂളിന്റെ 35 വർഷത്തെ മികവ് അടയാളപ്പെടുത്തുന്ന, 35 അടി ഉയരമുള്ള ക്രിസ്മസ് ട്രീ. തലകീഴായി തീർത്ത ട്രീ, ആകർഷകമായി അലങ്കരിക്കപ്പെട്ടിരിക്കുന്നു.

മധ്യകാല യൂറോപ്പിലെ വൈറ്റ്‌ റിവേഴ്‌സ് ക്രിസ്മസ് ട്രീ ആണിത്. മരത്തിന്റെ അഗ്രം ഹോളി ട്രിനിറ്റിയെ പ്രതിനിധീകരിക്കുമെന്നാണ് വിശ്വാസം. തലകീഴായി നിലകൊള്ളുന്ന ക്രിസ്മസ് മരത്തിനുതാഴെയാണ് മരത്തിന്റെ ഉയരാനുസൃതമായ അളവുകളോടെ സ്‌നോ വേൾഡ് സജ്ജീകരിച്ചിരിക്കുന്നത്. സ്‌കൂൾ ചെയർമാൻ ഡോ. വർക്കി എബ്രഹാം കാച്ചണത്ത്‌ ക്രിസ്മസ് സന്ദേശം നൽകി.