ഓപ്പറേഷൻ ഡി ഹണ്ടിലൂടെ ഒറ്റ ദിവസം 285 പേർ പിടിയിൽ

മയക്കുമരുന്ന് ലഭ്യത തടയാൻ പൊലീസ് നടത്തിയ ഓപ്പറേഷൻ ഡി ഹണ്ടിലൂടെ ഒറ്റ ദിവസം 285 പേർ പിടിയിലായി. 281 കേസുകൾ രജിസ്റ്റർ ചെയ്തു. 1820 പേരെ പരിശോധിച്ചു. ലക്ഷങ്ങൾ വിലമതിക്കുന്ന എംഡിഎംഎ, കിലോ കഞ്ചാവ്, ഹാഷിഷ് ഓയിൽ, ബ്രൗൺ ഷുഗർ തുടങ്ങിയവ പിടിച്ചെടുത്തു.മയക്കുമരുന്ന് വിൽപന നടത്തിയതായി സംശയിക്കുന്നവരെയും മയക്കുമരുന്ന് കേസിൽ ജയിലിൽ കഴിയുന്നവരെയും നിരീക്ഷിച്ച് ഒരു മാസത്തോളം അന്വേഷണം നടത്തി.

ഡിജിപി ഡോ.ഷൈഖ് ദർവേഷ് സാഹിബിൻ്റെ നിർദേശപ്രകാരം എഡിജിപി എംആർ അജിത്കുമാറിൻ്റെയും ജില്ലാ പൊലീസ് മേധാവിമാരുടെയും നേതൃത്വത്തിൽ പുതുതായി രൂപീകരിച്ച റേഞ്ച് ലെവൽ എൻഡിപിഎസ് കോർഡിനേഷൻ സെല്ലാണ് പരിശോധന നടത്തിയത്.