ഭ്രമയുഗത്തിന്റെ പുതിയ സ്റ്റിൽ പുറത്തു വന്നു

മമ്മൂട്ടി നായകനാകുന്ന ഭ്രമയുഗത്തിന്റെ സ്റ്റില്‍ പുറത്തിറങ്ങി. സിനിമ ആസ്വാദകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ഭ്രമയുഗം. മമ്മൂട്ടിയുടെ കഥാപാത്രം ഒരു ചാരുകസേരയില്‍ ഇരിക്കുന്ന തരത്തിലാണ് പുതിയ സ്റ്റിൽ. ‘ഭൂതകാല’ത്തിന് ശേഷം രാഹുല്‍ സദാശിവന്‍ സംവിധാനം ചെയ്യുന്ന ഹൊറര്‍ ത്രില്ലര്‍ ചിത്രമാണ് ഭ്രമയുഗം.

സിനിമയുടെ ടീസര്‍ ഈ മാസം ആദ്യം പുറത്തിറങ്ങിയിരുന്നു. ബ്ലാക്ക് ആന്‍ഡ് വൈറ്റില്‍ ഉള്ള ചിത്രം തികച്ചും വ്യത്യസ്തമായ രീതിയിലായിരിക്കും കഥ പറയുക എന്ന് ഉറപ്പ് നല്‍കുന്നതായിരുന്നു ടീസര്‍. മമ്മൂട്ടിയുടെ മികച്ച ഒരു കഥാപാത്രമാകും ഇത് എന്ന് ഉറപ്പിക്കാവുന്ന രീതിയിലാണ് ടീസറിലുള്ള പ്രകടനം .

ചിത്രത്തില്‍ നായക വേഷം കൈകാര്യം ചെയ്യുന്നത് അര്‍ജുന്‍ അശോകനാണ്. അഞ്ച് ഭാഷകളിലാണ് സിനിമ റിലീസ് ചെയ്യുക. സിനിമയൊരുങ്ങുന്നത് ബ്ലാക്ക് ആന്‍ഡ് വൈറ്റില്‍ ആണെന്നാണ് സൂചന. സിദ്ധാര്‍ത്ഥ് ഭരതന്‍, അമല്‍ഡ ലിസ് തുടങ്ങിയവരാണ് മറ്റ് പ്രധാന വേഷങ്ങള്‍ കൈകാര്യം ചെയ്യുന്നത്.