ഹാജർ രേഖപ്പെടുത്തി മനുഷ്യച്ചങ്ങലയിൽ പങ്കെടുക്കാൻ പോയി; തൊഴിലുറപ്പ് തൊഴിലാളികൾക്കെതിരെ പരാതി

പള്ളിയ്ക്കൽ ഗ്രാമപഞ്ചായത്തിലെ ഇരുപതാം വാർഡിലെ പാപ്പാടിക്കുന്ന് വടക്കേ ചരുവ്, മന്ദിരം മുക്ക് വടക്കേ ചരുവ്, ചേപ്പാട്ട് വയൽ എന്നീ മൂന്ന് തൊഴിലുറപ്പ് പണിയിടങ്ങളിൽ നിന്ന് നാൽപ്പതോളം തൊഴിലുറപ്പ് തൊഴിലാളികളെ സിപിഐഎം പ്രവർത്തകർ മനുഷ്യച്ചങ്ങലയിൽ പങ്കെടുക്കാനായി കൊണ്ട് പോയെന്നാണ് കോൺഗ്രസ് ആരോപണം. തൊഴിലിടത്ത് രാവിലെ എത്തിയ ശേഷം എൻഎംഎംഎസ് ആപ്പിൽ തൊഴിലാളികളുടെ ഫോട്ടോ സഹിതം ഹാജർ രേഖപ്പെടുത്തി. തൊഴിലുറപ്പ് തൊഴിലാളികളെ നിർബന്ധിച്ചാണ് ഡിവൈഎഫ്ഐ യുടെ മനുഷ്യച്ചങ്ങലയിൽ പങ്കെടുക്കാൻ കൊണ്ട് പോയതെന്നും കോൺഗ്രസ് നേതൃത്വം പറഞ്ഞു.