ഇറാൻ-പാകിസ്താൻ സംഘർഷം: അപലപിച്ച് യു.എസ്

ഇറാനും പാകിസ്താനുമിടയിലെ സംഘര്‍ഷത്തിന് അയവുവരുത്താനുള്ള ചര്‍ച്ചകള്‍ക്ക് മധ്യസ്ഥത വഹിക്കാന്‍ തയ്യാറാണെന്ന് ചൈന പ്രതികരിച്ചു. പ്രശ്നം സങ്കീര്‍ണമാക്കാതിരിക്കാനും മേഖലയില്‍ സമാധാനം പുനഃസ്ഥാപിക്കാനും കൂട്ടായ ശ്രമം വേണമെന്ന് ചൈനീസ് വിദേശകാര്യ വക്താവ് മാവോ നിങ് ഇരുരാജ്യങ്ങളോടും ആവശ്യപ്പെട്ടു. പാകിസ്താനുമായി അഭേദ്യമായ നയതന്ത്രബന്ധം പുലര്‍ത്തുന്ന രാജ്യമാണ് ചൈന. അതേസമയം, എണ്ണ ഇറക്കുമതിയുടെ സുപ്രധാനഭാഗം ഇറാനില്‍നിന്നായതിനാല്‍ അവരേയും പിണക്കുക സാധ്യമല്ല.