ലാൽബാഗ് പുഷ്‌പമേളയ്ക്ക് തുടക്കം

റിപ്പബ്ലിക് ദിനത്തോടനുബന്ധിച്ചുള്ള ലാൽബാഗ് പുഷ്പമേളയ്ക്ക് തുടക്കമായി. വ്യാഴാഴ്ച വൈകീട്ട് മുഖ്യമന്ത്രി സിദ്ധരാമയ്യ, ഉപമുഖ്യമന്ത്രി ഡി.കെ. ശിവകുമാർ എന്നിവർ ചേർന്ന് ഉദ്ഘാടനംചെയ്തു. വെള്ളിയാഴ്ചമുതൽ പൊതുജനങ്ങൾക്ക് പ്രവേശിക്കാം. മുതിർന്നവർക്ക് 70 രൂപയും കുട്ടികൾക്ക് 30 രൂപയുമാണ് ടിക്കറ്റ് നിരക്ക്. വാരാന്ത്യങ്ങളിൽ മുതിർന്നവർക്ക് 80 രൂപയും കുട്ടികൾക്ക് 30 രൂപയുമാണ്. സ്കൂൾവിദ്യാർഥികൾക്ക് സൗജന്യമാണ്.