പശ്ചിമബംഗാളിൽ ഇ.ഡി. സംഘത്തെ ആക്രമിച്ച സംഭവം; സി.ബി.ഐ.-പോലീസ് സംയുക്തസംഘം അന്വേഷിക്കാൻ ഹൈക്കോടതി നിർദേശം

സി.ബി.ഐ.യിലെയും സംസ്ഥാന പോലീസിലെയും എസ്.പി. പദവിയിലുള്ള രണ്ട് ഉദ്യോഗസ്ഥരാണ് സംഘത്തിന് നേതൃത്വം നൽകേണ്ടത്. സംഭവസ്ഥലത്തെ ക്രമസമാധാനച്ചുമതയുള്ള നാജാട്ട് സ്റ്റേഷനിലെ ഒരുദ്യോഗസ്ഥൻപോലും സംഘത്തിൽ ഉൾപ്പെടരുതെന്നും ഹൈക്കോടതി നിർദേശിച്ചു. ഇ.ഡി. സമർപ്പിച്ച പരാതിപ്രകാരമുള്ള കേസ്, സംസ്ഥാന പോലീസ് സ്വമേധയാ എടുത്ത കേസ് എന്നിവയാണ് പ്രത്യേകാന്വേഷണ സംഘം പരിശോധിക്കുക. വീട്ടിൽ ഇ.ഡി. സംഘം അതിക്രമിച്ചു കടന്നുവെന്ന തൃണമൂൽ നേതാവ് ഷാജഹാൻ ശൈഖിന്റെ വീട്ടു സൂക്ഷിപ്പുകാരന്റെ പരാതിയും നിലവിലുണ്ട്.