സാമ്പത്തികത്തട്ടിപ്പ് നടത്തി ഇന്ത്യവിട്ട കുറ്റവാളികളെ പിടികൂടാൻ ഉന്നതതലസംഘം യു.കെ.യിലേക്ക്

കോടികളുടെ സാമ്പത്തികത്തട്ടിപ്പ് നടത്തി ഇന്ത്യവിട്ട വിജയ് മല്യ ഉൾപ്പെടെയുള്ള മൂന്നു പ്രതികളുടെ കൈമാറൽപ്രക്രിയ വേഗത്തിലാക്കുന്നതിന് സി.ബി.ഐ., ഇ.ഡി., എൻ.ഐ.എ. ഉന്നതതലസംഘം യു.കെ.യിലേക്ക്.ആയുധവ്യാപാരി സഞ്ജയ് ഭണ്ഡാരി, വജ്രവ്യാപാരി നീരവ് മോദി, മദ്യവ്യവസായി വിജയ് മല്യ എന്നിവരെ തിരിച്ചെത്തിക്കുകയാണ് ലക്ഷ്യം. യു.കെ.യിലും മറ്റ് രാജ്യങ്ങളിലുമായുള്ള ഇവരുടെ സ്വത്തുക്കളുടെ വിവരങ്ങളും സംഘം ശേഖരിക്കും.