ഗുരുവായൂരിൽ കേരളത്തിന്റെ പരമ്പരാഗത വേഷത്തിൽ മോദി; ദേവസ്വം ബോർഡ് ശിൽപം സമ്മാനിച്ചു

പ്രധാനമന്ത്രി നരേന്ദ്ര മോദി ഗുരുവായൂർ ക്ഷേത്രത്തിൽ താമരമൊട്ടുകൾ കൊണ്ട് തുലാഭാരം അർപ്പിച്ചു. നടനും ബി.ജെ.പി നേതാവുമായ സുരേഷ് ഗോപിയുടെ മകൾ ഭാഗ്യ സുരേഷിന്റെ വിവാഹ ചടങ്ങിൽ പങ്കെടുക്കാനെത്തിയ പ്രധാനമന്ത്രിക്ക് ദേവസ്വം ബോർഡ് അധികൃതർ ഗുരുവായൂരപ്പന്റെ മരശിൽപം സമ്മാനിച്ചു.

ഗുരുവായൂർ ക്ഷേത്രത്തിൽ കേരളീയ വേഷത്തിൽ എത്തിയ നരേന്ദ്രമോദിയെ തന്ത്രി ചേനാസ് നമ്പൂതിരിപ്പാടും ദേവസ്വം പ്രസിഡന്റ് പോഫ വിജയനും ചേർന്ന് സ്വീകരിച്ചു. ഒരു മണിക്കൂറോളം അദ്ദേഹം ഗുരുവായൂർ ക്ഷേത്രത്തിൽ ചെലവഴിച്ചു. ഗസ്റ്റ് ഹൗസിൽ തിരിച്ചെത്തിയ പ്രധാനമന്ത്രി അൽപനേരം വിശ്രമിക്കുകയും സുരേഷ് ഗോപിയുടെ മകളുടെ വിവാഹത്തിൽ പങ്കെടുക്കുകയും ചെയ്തു.കൊച്ചിയിൽ നിന്ന് ഹെലികോപ്റ്ററിലാണ് പ്രധാനമന്ത്രി ഗുരുവായൂരിലെത്തിയത്. നരേന്ദ്രമോദിയുടെ വരവിന്റെ ഭാഗമായി കനത്ത സുരക്ഷാ ക്രമീകരണങ്ങളാണ് ഗുരുവായൂരിൽ ഒരുക്കിയിരിക്കുന്നത്.