വിരുന്ന് സിനിമയിലെ കല്യാണപ്പാട്ട് ഇന്ന് വൈകിട്ട് നാലിന് റിലീസ് ചെയ്യും

വരാൽ എന്ന ചിത്രത്തിന് ശേഷം കണ്ണൻ താമരക്കുളം സംവിധാനം ചെയ്ത ബിഗ് ബജറ്റ് മലയാളം ആക്ഷൻ ത്രില്ലർ ചിത്രമാണ് വിരുന്ന്. ആക്ഷൻ കിംഗ് അർജുൻ സർജയും നിക്കി ഗൽറാണിയും പ്രധാന കഥാപാത്രങ്ങളെ അവതരിപ്പിക്കുന്നു. സിനിമയിലെ കല്യാണപ്പാട്ട് ഇന്ന് വൈകിട്ട് നാലിന് റിലീസ് ചെയ്യും.

നെയ്യാർ ഫിലിംസിന്റെ ബാനറിൽ ഗിരീഷ് നെയ്യാർ, ബാദുഷ എൻഎം എന്നിവർ ചേർന്നാണ് വിരുന്ന് എന്ന ചിത്രം നിർമ്മിച്ചിരിക്കുന്നത്. മുകേഷ്, ഗിരീഷ് നെയ്യാർ, അജു വർഗീസ്, ബൈജു സന്തോഷ്, ഹരീഷ് പേരടി, ധർമജൻ ബോൾഗാട്ടി, സോന നായർ, മൻരാജ്, സുധീർ, കൊച്ചു പ്രേമൻ, പൂജപ്പുര രാധാകൃഷ്ണൻ, വി.കെ. ബൈജു, അജയ് വാസുദേവ്, കൊല്ലം ഷാ, ജിബിൻ സാബ്, പോൾ താടിക്കാരൻ എന്നിവരും ചിത്രത്തിലുണ്ട്. , അഡ്വ ശാസ്തമംഗലം അജിത് കുമാർ, രാജ്കുമാർ, സനൽ കുമാർ, അനിൽ പത്തനംതിട്ട, അരുന്ധതി, ഷൈലജ, നാൻസി, ജീജ സുരേന്ദ്രൻ, തുടങ്ങിയവരും അഭിനയിക്കുന്നു. അന്വേഷണാത്മക സസ്പെൻസ് ത്രില്ലർ ചിത്രത്തിന് തിരക്കഥ എഴുതിയത് ദിനേഷ് പള്ളത്താണ്.