അലിഗഢ് ന്യൂനപക്ഷസ്ഥാപനമാണോ എന്നത് എങ്ങനെയാണ് ജനങ്ങളെ ബാധിക്കുന്നതെന്ന് സുപ്രീംകോടതി

അലിഗഢ് സർവകലാശാലയുടെ ന്യൂനപക്ഷപദവി സംബന്ധിച്ച കേസാണ് ഏഴംഗബെഞ്ച് പരിഗണിക്കുന്നത്. ന്യൂനപക്ഷപദവിയുണ്ടെങ്കിൽ പട്ടികജാതി, പട്ടികവർഗ, ഒ.ബി.സി. വിഭാഗങ്ങൾക്ക് സംവരണം നൽകാതിരിക്കാൻ അവകാശമുണ്ട്. കേസിൽ ഏഴംഗബെഞ്ചിനുമുൻപാകെ ഈമാസം 23-ന് തുടർവാദം നടക്കും. അലിഗഢ് കേന്ദ്രസർവകലാശാലയാണെന്നും അതിന് ന്യൂനപക്ഷപദവി കൽപ്പിച്ചുനൽകാനാവില്ലെന്നും 1968-ലെ അസീസ് ബാഷ കേസിൽ സുപ്രീംകോടതിയുടെ അഞ്ചംഗ ഭരണഘടനാ ബെഞ്ച് വിധിച്ചിരുന്നു. എന്നാൽ, 1981-ൽ കേന്ദ്ര സർക്കാർ നിയമഭേദഗതിയിലൂടെ അലിഗഢിന് ന്യൂനപക്ഷപദവി നൽകിയെങ്കിലും 2006-ൽ അലഹബാദ് ഹൈക്കോടതി അത് റദ്ദാക്കി.