പീടിക തിണ്ണയില്‍.. കുശലം പറയാം, കുറച്ച് കാര്യവും- ബോധവത്കരണ പരിപാടിയുമായ ആരോഗ്യവകുപ്പ്

പാടശേഖരങ്ങളും കൃഷി സ്ഥലങ്ങളും കൂടുതലുള്ള പ്രദേശമായതിനാല്‍ എലിപ്പനിയായിരുന്നു പ്രധാന ചര്‍ച്ചാ വിഷയം. രണ്ടാഴ്ചയിലേറെ നീണ്ടുനില്‍ക്കുന്ന ചുമയുള്ളവര്‍ കഫ പരിശോധനയ്ക്ക് വിധേയമാകേണ്ടതിന്റെ പ്രാധാന്യവും ചര്‍ച്ച ചെയ്തു.

തകഴി പ്രാഥമിക ആരോഗ്യ കേന്ദ്രം മെഡിക്കല്‍ ഓഫീസര്‍ ഡോ. പ്രീതിയും ജില്ലാ എഡ്യൂക്കേഷന്‍ മീഡിയ ഓഫീസര്‍ ഇന്‍ ചാര്‍ജ് ജി. രജനിയും ചര്‍ച്ചയില്‍ പങ്കാളികളായി. വാര്‍ഡ് മെമ്പര്‍ മഞ്ജു, ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ ജയചന്ദ്രന്‍, ഡെപ്യൂട്ടി എജുക്കേഷന്‍ മീഡിയ ഓഫീസര്‍ ഐ. ചിത്ര, ഹെല്‍ത്ത് ഇന്‍സ്‌പെക്ടര്‍ ഷിജി മോന്‍ തുടങ്ങിയവര്‍ പങ്കെടുത്തു.