കരടികളെ കൊന്ന് മാംസം വിൽക്കാൻ സ്ലൊവാക്യ

6 days ago

ബ്രാറ്റിസ്ലാവ : മധ്യ യൂറോപ്യൻ രാജ്യമായ സ്ലൊവാക്യയിൽ ബ്രൗൺ കരടികളെ വെടിവെച്ച് കൊല്ലാൻ തീരുമാനം.കരടികളുടെ എണ്ണം പെരുകുകയും ഇവ ജനത്തിനു ഭീഷണിയാകുകയും ചെയ്തതോടെ വെടിവച്ചുകൊന്ന് മാംസം ‌പൊതുജനത്തിനു വിൽക്കാൻ സർക്കാർ തീരുമാനം.

കരടികളുടെ ആക്രമണം പതിവായ സാഹചര്യത്തിൽ രാജ്യത്തെ 1,300 ബ്രൗൺ കരടികളിൽ നാലിലൊന്നിനെ വെടിവച്ചു കൊല്ലാനുള്ള പദ്ധതിക്ക് കഴിഞ്ഞമാസം മന്ത്രിസഭ അംഗീകാരം നൽകിയിരുന്നു.

എന്നാൽ, വെടിവച്ചു കൊല്ലുന്ന കരടികളുടെ ജഡം മറവു ചെയ്യണോ അതോ മാംസം പൊതുജനത്തിനു നൽകണോയെന്ന കാര്യം തീരുമാനിച്ചിരുന്നില്ല. ഇക്കാര്യത്തിലാണ് ഇന്നലെ ചേർന്ന മന്ത്രിസഭായോഗം തീരുമാനമെടുത്തത്.