മഴ: കോഴിക്കോട് വ്യാപക നാശനഷ്ടം

കോഴിക്കോട്: കോഴിക്കോട് നഗരത്തില്‍ കനത്തമഴയെ തുടര്‍ന്ന് വിവിധയിടങ്ങളില്‍ റോഡില്‍ മരംവീണ് ഗതാഗതം തടസ്സപ്പെട്ടു. പോലീസും അഗ്‌നിരക്ഷാസേനാംഗങ്ങളും നാട്ടുകാരും ചേര്‍ന്ന് റോഡിലെ തടസ്സങ്ങള്‍ നീക്കി. കാരശ്ശേരി പഞ്ചായത്തിലെ ആറാം വാര്‍ഡ് തോട്ടക്കാട് പുതിയോട്ടില്‍ ഭാസ്‌കരന്റെ വീടിന്റെ മുന്‍വശത്തെ മുറ്റം തകര്‍ന്നു. വീട് അപകടാവസ്ഥായില്‍ ആയതിനേത്തുടര്‍ന്ന് വീട്ടുകാരെ മാറ്റിപ്പാര്‍പ്പിച്ചു. കാരശ്ശേരി ആക്കോട്ട് ചാലില്‍ സുബിന്റെ 300ലധികം വാഴകളും കാറ്റില്‍ നിലം പതിച്ചു.