വിദേശത്ത് ജോലി വാഗ്ദാനംചെയ്ത് തട്ടിപ്പ്‌ ; യുവതി അറസ്റ്റിൽ

കോഴിക്കോട്‌ : വിദേശത്ത് ജോലി വാഗ്ദാനം ചെയ്ത് പണം തട്ടിയ കേസിൽ യുവതി പിടിയിൽ. പാലക്കാട് കോരൻചിറമാരുകല്ലിൽ അർച്ചന തങ്കച്ചനെ(28)യാണ്‌ പൊലീസ്‌ അറസ്റ്റുചെയ്‌തത്‌.

കല്ലായി സ്വദേശിയായ യുവാവിന്‌ വിദേശത്ത്‌ ജോലി നൽകാമെന്ന് പറഞ്ഞ് രണ്ടുതവണയായി മൂന്ന്‌ ലക്ഷം രൂപയാണ്‌ തട്ടിയെടുത്തത്‌. ജോലി ലഭിക്കാതെ വന്നതോടെയാണ്‌ യുവാവ്‌ പരാതി നൽകിയത്‌. വയനാട് വെള്ളമുണ്ടയിൽ നിന്നാണ്‌ പ്രതിയെ പിടിച്ചത്‌.

പ്രതി പലരിൽ നിന്നും വിദേശത്ത്‌ ജോലി വാഗ്ദാനം ചെയ്‌ത്‌ പണം വാങ്ങി തട്ടിപ്പ്‌ നടത്തിയിട്ടുണ്ട്‌. കോടതിയിൽ ഹാജരാക്കിയ പ്രതിയെ റിമാൻഡ്‌ ചെയ്‌തു.