ചക്ക തലയിൽ വീണ് ഒമ്പതുവയസുകാരി മരിച്ചു

മലപ്പുറം: ചക്ക തലയിൽ വീണ് ഒമ്പതുവയസുകാരി മരിച്ചു. മലപ്പുറം ചങ്കുവെട്ടിയിലാണ് ദാരുണ സംഭവം. ചങ്കുവെട്ടി സ്വദേശി കുഞ്ഞലിവിയുടെ മകൾ ആയിഷ തസ്നിയാണ് മരിച്ചത്.ഇന്നുരാവിലെയായിരുന്നു സംഭവം.

മറ്റുകുട്ടികൾക്കൊപ്പം വീട്ടുമുറ്റത്ത് കളിച്ചുകൊണ്ടുനിൽക്കെ തൊട്ടടുത്തുണ്ടായിരുന്ന പ്ലാവിൽ നിന്ന് വീണ ചക്ക ആയിഷയുടെ തലയിൽ പതിക്കുകയായിരുന്നു. ഇതിന്റെ ആഘാതത്തിൽ തല തൊട്ടടുത്തുണ്ടായിരുന്ന കല്ലിൽ ഇടിച്ച് ഗുരുതരമായി പരിക്കേറ്റു. ഉടൻതന്നെ കോട്ടയ്ക്കലിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.