ബജറ്റ്-ഫ്രണ്ട്‌ലി സ്മാര്‍ട്ട്‌ഫോൺ: വിവോ വൈ19 5ജി അവതരിപ്പിച്ചു !

വിവോയുടെ ബജറ്റ്-ഫ്രണ്ട്‌ലി സ്മാര്‍ട്ട്‌ഫോണായ വിവോ വൈ19 5ജി ഇന്ത്യയില്‍ അവതരിപ്പിച്ചു. വിവോ വൈ19 5ജി നാനോ + നാനോ വരുന്ന ഇരട്ട സിം കാര്‍ഡ് സ്ലോട്ടോടെ വരുന്ന സ്മാര്‍ട്ട്‌ഫോണാണ്. ഒക്റ്റാ-കോര്‍ മീഡിയടെക് ഡൈമന്‍സിറ്റി 6300 ചിപ്‌സെറ്റ്, 5500 എംഎഎച്ച് കരുത്തുള്ള ബാറ്ററി, 6.74 ഇഞ്ച് 90 ഹെര്‍ട്‌സ് സ്ക്രീന്‍, ഐപിഎല്‍ 64 റേറ്റിംഗ് എന്നിവ സഹിതമാണ് വിവോ വൈ19 5ജിയുടെ ഇന്ത്യയിലേക്കുള്ള വരവ്.

ആന്‍ഡ്രോയ്ഡ് 15 അടിസ്ഥാനത്തിലുള്ള ഫണ്‍ടച്ച് ഒഎസ് 15ലാണ് ഫോണിന്‍റെ പ്രവര്‍ത്തനം. 6.74 ഇഞ്ച് എച്ച്‌ഡി+ എല്‍സിഡി സ്ക്രീന്‍ 90 ഹെര്‍ട്‌സ് റിഫ്രഷ് റേറ്റും 700 നിറ്റ്സ് പീക്ക് ബ്രൈറ്റ്നസുമാണ് ഉറപ്പുവരുത്തുന്നത്. ഡുവല്‍ റീയര്‍ ക്യാമറ യൂണിറ്റില്‍ 13 എംപി പ്രൈമറി ക്യാമറയും, 0.08 എംപി സെക്കന്‍ഡറി സെന്‍സറും ഉള്‍പ്പെടുന്നു. 5 മെഗാപിക്‌സലിന്‍റെതാണ് സെല്‍ഫി ക്യാമറ.

മൈക്രോഎസ്‌ഡി കാര്‍ഡ് വഴി 2ടിബി വരെ സ്റ്റോറേജ് വര്‍ധിപ്പിക്കാം. വിവോ വൈ19 5ജിയില്‍ 5ജി, 4ജി എല്‍ടിഇ, ഡുവല്‍-ബാന്‍ഡ് വൈഫൈ, ബ്ലൂടൂത്ത് 5.4, യുഎസ്ബി 2.0, ഒടിജി, ജിപിഎസ്, എന്‍എഫ്‌സി, ആക്സ്സെലെറോമീറ്റര്‍, ആംബ്യന്‍റ് ലൈറ്റ് സെന്‍സര്‍, പ്രോക്‌സിമിറ്റി സെന്‍സര്‍, തുടങ്ങിയ ഫീച്ചറുകളുണ്ട്. സുരക്ഷയ്ക്കായി സൈഡ്-മൗണ്ടഡ് ഫിംഗര്‍പ്രിന്‍റ് സ്കാനറാണ് ഫോണില്‍ ഉള്‍പ്പെടുത്തിയിരിക്കുന്നത്. 5,500 എംഎഎച്ച് ലിതിയം ബാറ്ററി 10 വാട്സ് ചാര്‍ജിംഗിനെ പിന്തുണയ്ക്കുന്നു.

ഇന്ത്യയിൽ ഇതിന്റെ വില ആരംഭിക്കുന്നത് 10,499 രൂപയിലാണ്. 4 ജിബി + 64 ജിബി അടിസ്ഥാന വേരിയന്‍റിന്‍റെ വിലയാണിത്. 4 ജിബി + 128 ജിബി വേരിയന്‍റിന് 11,499 രൂപയും 6 ജിബി + 128 ജിബി വേരിയന്‍റിന് 12,999 രൂപയുമാണ് വില. മജസ്റ്റിക് ഗ്രീന്‍, ടൈറ്റാനിയം സില്‍വര്‍ എന്നീ നിറങ്ങളില്‍ വിവോ വൈ19 5ജി ഇന്ത്യയില്‍ ലഭ്യമാകും.