അമ്മൂമ്മയോടൊപ്പം നടന്നു പോകുമ്പോൾ അമിത വേഗത്തിലെത്തിയ കാറിടിച്ചു; മൂന്ന് വയസുകാരിക്ക് ദാരുണാന്ത്യം

പയ്യാവൂർ: അമ്മൂമ്മയോടൊപ്പം നടന്നുപോവുകയായിരുന്ന മൂന്ന് വയസുകാരി കാറിടിച്ചു മരിച്ചു. കണ്ണൂർ പയ്യാവൂർ ചമതച്ചാലിലാണ് അപകടമുണ്ടായത്. അപകടത്തിൽ നോറ എന്ന മൂന്ന് വയസുകാരിയാണ് കൊല്ലപ്പെട്ടത്. അമിതവേഗത്തിലെത്തി നിയന്ത്രണം വിട്ട കാർ കുട്ടിയേയും അമ്മൂമ്മയെയും ഇടിച്ചുതെറിപ്പിക്കുകയായിരുന്നു.

മലയോര ഹൈവെയിൽ വൈകിട്ട് ആറ് മണിയോടെയായിരുന്നു അപകടം. അമ്മൂമ്മ ഷിജിയെ പരിക്കുകളോടെ ആശുപത്രിയില്‍ പ്രവേശിപ്പിച്ചു. കുഞ്ഞിന്റെ അച്ഛനും അമ്മയും വിദേശത്താണ് താമസം.