ഇന്ത്യൻ ആക്രമണം ഭയന്ന് പാകിസ്ഥാൻ; ഇടപെടാൻ ഐക്യരാഷ്ട്രസഭയോട് ആവശ്യപ്പെട്ട് പാക് പ്രധാനമന്ത്രി ഷഹബാസ് ഷെരീഫ്

ഇസ്ലാമാബാദ്: ഇന്ത്യൻ ആക്രമണം ഭയന്ന് അന്താരാഷ്ട്ര ഇടപെടൽ തേടി പാകിസ്ഥാൻ. ഇന്ത്യ തങ്ങളെ ആക്രമിക്കാൻ സർവസന്നാഹവും ഒരുക്കുകയാണെന്നും ഇടപെടൽ വേണമെന്നും ആവശ്യപ്പെട്ട് പാകിസ്ഥാൻ ഐക്യരാഷ്ട്ര സഭയെ സമീപിച്ചു. ഇന്ത്യ തങ്ങളെ ആക്രമിക്കാൻ സജ്ജമാണെന്നത് സംബന്ധിച്ച് വ്യക്തമായ വിവരം ലഭിച്ചെന്നാണ് പാകിസ്ഥാൻ പറയുന്നത്. യുഎൻ സെക്രട്ടറി ജനറൽ അന്റോണിയോ ​ഗുട്ടറസിനോടാണ് പാകിസ്ഥാൻ ഇടപെടൽ ആവശ്യപ്പെട്ടിരിക്കുന്നത്.

ഇന്ത്യ ആക്രമിക്കാൻ ഒരുങ്ങുന്നുവെന്ന് വ്യക്തമായ വിവരം ലഭിച്ചെന്ന് പാക് പ്രധാനമന്ത്രി ഷഹബാസ് ഷെരീഫ് പറഞ്ഞു. പഹൽ​ഗാം ഭീകരാക്രമണത്തിൽ അന്വേഷണത്തിന് അന്താരാഷ്ട്ര കമ്മീഷനെ അം​ഗീകരിക്കാമെന്നും പാകിസ്ഥാൻ അറിയിച്ചു. ഇന്ത്യ ഉടൻ ആക്രമിക്കുമെന്ന് തെളിവ് കിട്ടിയതായി ഇൻഫർമേഷൻ മന്ത്രി അത്തതുള്ള തരാറും പറഞ്ഞു. പ്രധാനമന്ത്രിയും ആർഎസ്എസ് മേധാവിയും സംസാരിച്ചത് പഹൽഗാം ഭീകരാക്രണമെന്ന് ഉന്നതവൃത്തങ്ങളിൽ നിന്ന് സൂചന ലഭിക്കുന്നുണ്ട്. സർക്കാർ എടുക്കുന്ന നടപടികൾക്ക് ആർഎസ്എസ് പൂർണ്ണ പിന്തുണ അറിയിച്ചു.