ചാർമിനാർ എക്സ്പ്രസ് പാളം തെറ്റി; അഞ്ച് പേർക്ക് പരിക്ക്

ഹൈദരാബാദ്: ചെന്നൈ-ഹൈദരാബാദ് ചാർമിനാർ എക്സ്പ്രസ് പാളം തെറ്റി അപകടം. നംപശ്ശി റെയിൽവേ സ്റ്റേഷനിലാണ് ട്രെയിൻ പാളം തെറ്റിയത്. യാത്രക്കാരിൽ ചിലർക്ക് പരിക്ക് പറ്റിയതായി മാധ്യമങ്ങൾ റിപ്പോർട്ട് ചെയ്തു. ചെന്നൈയിലേക്കുള്ള യാത്രാമധ്യേ ട്രെയിൻ പ്ലാറ്റ്‌ഫോമിൽ എത്തിയപ്പോഴാണ് അപകടം സംഭവിച്ചത്.

നിർത്തുന്നതിനിടയിൽ, ട്രെയിൻ ട്രാക്കിൽ നിന്ന് തെന്നിമാക്കുകയായിരുന്നു. തുടർന്ന് പ്ലാറ്റ്‌ഫോമിന്റെ പാർശ്വഭിത്തിയിൽ ഇടിച്ചു. ട്രെയിനിന്റെ രണ്ട് ബോഗികൾ പാളം തെറ്റിയതായാണ് വിവരം.

റെയിൽവെ ഉദ്യോഗസ്ഥർ ഉടൻ തന്നെ സംഭവസ്ഥലത്ത് എത്തി യാത്രക്കാരെ ഒഴിപ്പിച്ചു. അപകടത്തിൽ ആളപായമൊന്നും റിപ്പോർട്ട് ചെയ്തിട്ടില്ല. അഞ്ച് യാത്രക്കാർക്കാണ് പരിക്കേറ്റത്.