രണ്ടുമാസത്തെ ക്ഷേമ പെന്‍ഷന്‍; 15നുശേഷം വിതരണം ചെയ്യുമെന്ന് മന്ത്രി

തിരുവനന്തപുരം: ക്ഷേമപെന്‍ഷന്‍ കുടിശ്ശികയില്‍ ഒരുമാസത്തേതുകൂടി വിതരണം ചെയ്യാന്‍ തീരുമാനമായതായി മന്ത്രി കെ.എന്‍. ബാലഗോപാല്‍ അറിയിച്ചു. മേയിലെ പെന്‍ഷനൊപ്പം ഇതും നല്‍കും. രണ്ട് മാസത്തെ പെൻഷൻ തുകയായ 3200 രൂപ ഈ മാസം ലഭിക്കും. 62 ലക്ഷം കുടുംബങ്ങള്‍ക്ക് പെൻഷൻ ലഭിക്കും. 1800 കോടി രൂപ ഇതിന് വേണ്ടി വരും.

അടുത്ത മാസം 15നുശേഷം വിതരണം ചെയ്യുമെന്ന് ധനവകുപ്പ് അറിയിച്ചു. ക്ഷേമ പെന്‍ഷനില്‍ അഞ്ചുമാസത്തെ കുടിശ്ശികയുണ്ടായിരുന്നു. ഇതില്‍ രണ്ടുമാസത്തേത് കഴിഞ്ഞ സാമ്പത്തിക വര്‍ഷം നല്‍കി. ശേഷിക്കുന്ന മൂന്നുമാസത്തേത് ഈ വര്‍ഷം നല്‍കുമെന്ന് മുഖ്യമന്ത്രി നിയമസഭയില്‍ പറഞ്ഞിരുന്നു. ഇതില്‍ ഒരു മാസത്തെ തുകയാണ് ഇപ്പോൾ നൽകുന്നത്.