‘സൂത്രവാക്യം’ സെറ്റില്‍ വച്ച് ഷൈൻ ടോം ചാക്കോ മോശമായി പെരുമാറിയെന്നാരോപിച്ച്‌ പുതുമുഖ നടി

തിരുവനന്തപുരം: ഷൈൻ ടോം ചാക്കോ മോശമായി പെരുമാറിയെന്നാരോപിച്ച്‌ പുതുമുഖ നടി അപർണ്ണ ജോൺസ്. സിനിമാ താരം വിൻസി അലോഷ്യസിന്റെ പരാതി ശരിവച്ചാണ്‌ അപർണ്ണ ജോൺസ് രംഗത്തെത്തിയിരിക്കുന്നത്‌. ലൈംഗിക ചുവയോടെയുള്ള തീർത്തും മോശമായ സംസാരമായിരുന്നു ഷൈനിന്റേതെന്നും ഷൂട്ടിങ്ങിനിടയിൽ ഇത് വലിയ ബുദ്ധിമുട്ടായെന്നും അപർണ പ്രതികരിച്ചു.

അമ്മ സംഘടനയോടും ഫിലിം ചേംബറിന് മുന്നിലും ഇക്കാര്യങ്ങള്‍ അറിയിച്ചിട്ടുണ്ടെന്ന് അപര്‍ണ ജോണ്‍സ് പറഞ്ഞു. ഷൈന്‍ സെറ്റില്‍ വച്ച് ലഹരി ഉപയോഗിച്ചുവെന്ന് സംശയമുണ്ടെന്നും ഷൈന്റെ വായില്‍ നിന്ന് ലഹരിയെന്ന് തോന്നിക്കുന്ന പൊടി തെറിക്കുന്നുണ്ടായിരുന്നുവെന്നുമാണ് പുതുമുഖ നടിയുടെ വെളിപ്പെടുത്തല്‍. അമ്മ ഇക്കാര്യത്തില്‍ നടപടിയെടുക്കുമെന്നാണ് കരുതുന്നതെന്നും അപര്‍ണ വ്യക്തമാക്കി.