ഏഴ് വര്‍ഷത്തെ കാത്തിരിപ്പിനൊടുവുൽ കുഞ്ഞതിഥിയെ വരവേറ്റ് സഹീറും സാഗരികയും

ക്രിക്കറ്റ് താരം സഹീര്‍ ഖാനും നടി സാഗരിക ഘാട്‌കേയ്ക്കും കുഞ്ഞ് പിറന്നു. സാഗരികയാണ് തങ്ങൾ മാതാപിതാക്കളായ സന്തോഷവാര്‍ത്ത ഇന്‍സ്റ്റഗ്രാമില്‍ പങ്കുവെച്ചത്. ആണ്‍കുഞ്ഞാണെന്നും, കുഞ്ഞിന്റെ പേരും സാഗരിക പോസ്റ്റില്‍ പറയുന്നു.

‘സ്‌നേഹത്തേടേയും എല്ലാവിധ അനുഗ്രഹത്തോടേയും ഞങ്ങളുടെ പ്രിയപ്പെട്ട മകന്‍ ഫതേഹ്‌സിന്‍ഹ് ഖാനെ സ്വാഗതം ചെയ്യുന്നു.’-സാഗരിക ഇന്‍സ്റ്റഗ്രാമില്‍ കുറിച്ചു. കുഞ്ഞിനോടൊപ്പമുള്ള ചിത്രങ്ങളും സാഗരിക പങ്കുവെച്ചിട്ടുണ്ട്. സാഗരികയുടെ തൊട്ടടുത്ത് കുഞ്ഞിനെ പിടിച്ചിരിക്കുന്ന സഹീറിനേയും ചിത്രങ്ങളില്‍ കാണാം.

2017 നവംബര്‍ 23-നായിരുന്നു സഹീറിന്റേയും സാഗരികയുടേയും വിവാഹം. വിവാഹം കഴിഞ്ഞ് ഏഴ് വര്‍ഷത്തിനുശേഷമാണ് ഇരുവര്‍ക്കും കുഞ്ഞ് ജനിക്കുന്നത്. ഇരുവര്‍ക്കും ആശംസ അറിയിച്ച് സച്ചിൻ ടെണ്ടുൽക്കർ, സുരേഷ് റെയ്‌ന, അംഗദ് ബേദി, ആര്‍.പി സിങ്ങ്, സാറാ തെണ്ടുല്‍ക്കര്‍, ഹുമാ ഖുറേശി തുടങ്ങി നിരവധി പേര്‍ പോസ്റ്റിന് താഴെ കമന്റ് ചെയ്തിട്ടുണ്ട്.