റിലീസിന് മുൻപേ വമ്പൻ ബിസിനസ്സ് ഡീലുകൾ ഉറപ്പിച്ച് സൂര്യയുടെ റെട്രോ

റിലീസിന് മുൻപേ വമ്പൻ ബിസിനസ്സ് ഡീലുകൾ ഉറപ്പിച്ചിരിക്കുകയാണ് സൂര്യ നായകനാകുന്ന ചിത്രം റെട്രോ. ചിത്രത്തിന്റെ ഒടിടി റൈറ്റ്സ് സ്വന്തമാക്കിയിരിക്കുന്നത് നെറ്റ്ഫ്ലിക്സാണ്. കങ്കുവ എന്ന ബിഗ് ബഡ്ജറ്റ് പാൻ ഇന്ത്യൻ ചിത്രത്തിന്റെ പരാജയം നടന്റെ താരമൂല്യം ഇടിഞ്ഞു എന്ന് ഇന്ഡസ്ട്രിക്കുള്ളിൽ സംസാരമുണ്ടായിരുന്നു.

ലക്ഷ്യബോധമില്ലാതെ ജീവിക്കുന്ന പാരിവേൽ കണ്ണൻ എന്ന യുവാവിന്റെ ജീവിതത്തിലേയ്ക്ക് രുക്മിണി എന്നൊരു പെൺകുട്ടി കടന്നുവരുന്നതാണ് ചിത്രത്തിന്റെ പ്രമേയം. പൂജ ഹെഗ്‌ഡെ നായികയാകുന്ന ചിത്രത്തിൽ സൂര്യയുടെ അച്ഛൻ കഥാപാത്രത്തെ അവതരിപ്പിക്കുന്നത് ജോജു ജോർജാണ്. ചിത്രത്തിൽ ജയറാമും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.

സന്തോഷ് നാരായൺ ആണ് ചിത്രത്തിലെ സംഗീത സംവിധാനം നിർവഹിക്കുന്നത്. ചിത്രത്തിലെ ഇതിനകം റിലീസ് ചെയ്ത രണ്ട് ഗാനങ്ങളും നിരവധി കാഴ്ചക്കാരെ സ്വന്തമാക്കിയിട്ടുണ്ട്. 65 കോടി രൂപ മുതൽ മുടക്കിലൊരുക്കിയിരിക്കുന്ന ചിത്രത്തിൽ സൂര്യ 3 വ്യത്യസ്ത ലുക്കിലാണെത്തുന്നത്. 2D എന്റർടൈൻമെൻറ്സിന്റെ ബാനറിൽ സൂര്യയും, സ്റ്റോൺബെഞ്ച് പ്രൊഡക്ഷൻസിന്റെ ബാനറിൽ കാർത്തികേയൻ സന്താനവും ചേർന്നാണ് ചിത്രം നിർമിച്ചിരിക്കുന്നത്.