കൊലപാതകക്കേസിൽ ജാമ്യത്തിലിറങ്ങി, വധശ്രമം; പ്രതികൾക്കെതിരെ വീണ്ടും കാപ്പ ചുമത്തി

തിരുവനന്തപുരം: കൊലപാതകക്കേസിൽ റിമാൻഡിൽ കഴിയുകയായിരുന്ന പ്രതികൾ ജാമ്യത്തിലിറങ്ങിയ ശേഷം വീണ്ടും കൊലപാതക ശ്രമം. ഇതോടെ പ്രതികൾക്കെതിരെ വീണ്ടും കാപ്പ ചുമത്തി. മംഗലപുരം സ്വദേശികളായ മുഹമ്മദ് അഷ്റഫ് (30), ഷഹീൻ കുട്ടൻ (30) എന്നിവരെയാണ് വീണ്ടും കാപ്പ ചുമത്തി അറസ്റ്റ് ചെയ്തത്.

മോഹനപുരം സ്വദേശിയായ യുവാവിനെ കൊലപ്പെടുത്താൻ ശ്രമിച്ച കേസിലായിരുന്നു പ്രതികൾ റിമാൻഡിൽ കഴിഞ്ഞിരുന്നത്. നൗഫലിനെ (27) കടയിൽ കയറി വെട്ടി കൊലപ്പെടുത്താൻ ശ്രമിച്ച കേസിൽ ഇവർ പിടിയിലായ ഇവർ അടുത്തിടെയാണ് ജാമ്യത്തിലിറങ്ങിയയത്. ഈ സമയത്താണ് വീണ്ടുമൊരു വധശ്രമം. പിന്നാലെ ഇവരെ കാപ്പ നിയമ പ്രകാരം മംഗലപുരം പോലീസ് വീണ്ടും അറസ്റ്റ് ചെയ്തു.

2023ലും പ്രതികൾ കാപ്പ നിയമ പ്രകാരം ജയിൽ ശിക്ഷ അനുഭവിച്ചിട്ടുണ്ടെന്ന് പോലീസ് പറഞ്ഞു. ഷെഹിൻ കുട്ടനെതിരെ പോക്സോ കേസടക്കം പതിനഞ്ചും കേസുകളും മുഹമ്മദ് അഷ്റഫിനെതിരെ ഇരുപത്തിയഞ്ച് കേസുകളും നിലവിലുണ്ട്.