വയനാട്ടിലേക്ക് 3.67 കി.മീ റോപ് വേ വരുന്നു

തിരുവനന്തപുരം: പൊതു-സ്വകാര്യ പങ്കാളിത്ത മാതൃകയില്‍ വയനാട്–കോഴിക്കോട് ജില്ലകളെ ബന്ധിപ്പിക്കുന്ന റോപ്‌ വേ എത്തുന്നു. പദ്ധതി നടപ്പാക്കാന്‍ കെഎസ്‌ഐഡിസിക്ക് സര്‍ക്കാര്‍ അനുമതി നല്‍കി. 3.67 കി.മീ ദൂരത്തിലാണ് റോപ് വേ വരുന്നത്. അടിവാരം മുതല്‍ ലക്കിടി വരെയാണ് റോപ്‌വേ ബന്ധിപ്പിക്കാൻ ഉദ്ദേശിക്കുന്നത്. പദ്ധതി നടപ്പാക്കുന്നതോടെ ടൂറിസം രംഗത്ത് വിപ്ലവം സൃഷ്ടിക്കാനാകുമെന്ന പ്രതീക്ഷയിലാണ് കെഎസ്‌ഐഡിസി. 100 കോടിയിലേറെ ചെലവിട്ടാണ് റോപ്‌ വേ പദ്ധതി നടപ്പാക്കുന്നത്.

അതേസമയം വെസ്റ്റേണ്‍ ഘട്ട്‌സ് പ്രൈവറ്റ് ലിമിറ്റഡ് എന്ന കമ്പനി 2023 ഒക്‌ടോബര്‍ 20ന് ചേര്‍ന്ന സംസ്ഥാന ഏകജാലക ക്ലിയറന്‍സ് ബോര്‍ഡ് യോഗത്തിലാണ് റോപ്‌ വേ പദ്ധതി നിര്‍ദേശം മുന്നോട്ടുവെച്ചത്. തുടര്‍ന്ന് ചീഫ് സെക്രട്ടറിയുടെ അധ്യക്ഷതയിലുള്ള സമിതി പദ്ധതിയെക്കുറിച്ച് പഠിച്ച ശേഷം പിപിപി മോഡലില്‍ പദ്ധതി നടപ്പാക്കുന്നതിന് സംസ്ഥാന വ്യവസായ വികസന കോര്‍പ്പറേഷന്‍ (കെഎസ്‌ഐഡിസി) എംഡിക്ക് നിര്‍ദേശം നല്‍കി.

2024 ജൂണ്‍ 16ന് ചീഫ് സെക്രട്ടറി തലത്തില്‍ നടന്ന ചര്‍ച്ചയില്‍ പദ്ധതിയുടെ ലോവര്‍ ടെര്‍മിനലിന് ആവശ്യമായ ഒരേക്കര്‍ ഭൂമി കൈമാറാന്‍ തയാറാണെന്ന് അറിയിച്ചിരുന്നു. ഇതിന്റെ അടിസ്ഥാനത്തിലാണ് പിപിപി മാതൃകയില്‍ പദ്ധതി നടപ്പാക്കാന്‍ സര്‍ക്കാര്‍ കെഎസ്‌ഐഡിസിക്ക് അനുമതി നല്‍കി ഉത്തരവിറക്കിയത്. ഭൂ​മി റ​വ​ന്യൂ വ​കു​പ്പി​ന് കൈ​മാ​റു​ന്ന​തി​നും അ​തി​നു​ശേ​ഷം ഭൂ​മി കെ.​എ​സ്.​ഐ.​ഡി.​സി​ക്ക് കൈ​മാ​റു​ന്ന​തി​നു​മു​ള്ള ന​ട​പ​ടി​ക​ൾ പൂ​ർ​ത്തി​യാ​ക്കാ​നു​ണ്ട്.

പദ്ധതിയുടെ ഭാഗമായി അ​ടി​വാ​രം-​ല​ക്കി​ടി ടെ​ർ​മി​ന​ലു​ക​ളോ​ട്​ അ​നു​ബ​ന്ധി​ച്ച് പാ​ർ​ക്കി​ങ്, പാ​ർ​ക്ക്, സ്റ്റാ​ർ ഹോ​ട്ട​ൽ, മ്യൂ​സി​യം ക​ഫ്​​റ്റീ​രി​യ, ഹോ​ട്ട​ൽ ആം​ഫി തി​യ​റ്റ​ർ, ഓ​ഡി​റ്റോ​റി​യം തു​ട​ങ്ങി​യ​വ​യും പ​ദ്ധ​തി​യി​ൽ ഉൾപ്പെട്ടിട്ടുണ്ട്. മ​ണി​ക്കൂ​റി​ൽ 400 പേ​ർ​ക്ക് യാ​ത്ര ചെ​യ്യാ​വു​ന്ന ആ​റ് സീ​റ്റു​ള്ള എ.​സി കേ​ബി​ൾ കാ​റാ​യി​രി​ക്കും ഉ​പ​യോ​ഗി​ക്കു​ക.