താങ്കൾ പരിഹസിച്ച രാഹുൽ മികച്ച ഫോമിൽ, 27 കോടിക്ക് ടീമിലെടുത്ത പന്ത് കളിക്കുന്നുമില്ല; ഗോയങ്കയ്ക്ക് നേരെ വിമർശനം

ഐപിഎല്ലിൽ ചെന്നൈ സൂപ്പർ കിങ്സിനെതിരെയുള്ള മത്സരത്തിൽ കെഎൽ രാഹുൽ മികച്ച പ്രകടനം കാഴ്ചവെച്ചതിന് പിന്നാലെ ലഖ്‌നൗ സൂപ്പർ ജയൻറ്സ് ഉടമ സഞ്ജീവ് ഗോയങ്കയ്ക്ക് നേരെ ട്രോൾ മഴ. കഴിഞ്ഞ സീസണിൽ കെഎൽ രാഹുലിനെ പരസ്യമായി ഗ്രൗണ്ടിൽ നിന്ന് ശകാരിച്ച ഗോയങ്ക, താരം ടീം വിട്ടതിന് ശേഷം പരിഹാസ പരാമർശവും നടത്തിയിരുന്നു.

അതേസമയം ഇത്തവണത്തെ മെഗാലേലത്തിൽ റിഷഭ് പന്തിനെ റെക്കോർഡ് തുകയായ 27 കോടിക്ക് സ്വന്തമാക്കുകയും ക്യാപ്റ്റനാക്കുകയും ചെയ്തു. എന്നാൽ പുതിയ സീസണിൽ ആകെ കളിച്ച നാല് മത്സരങ്ങളിൽ 19 റൺസ് മാത്രമാണ് പന്തിന് നേടാനായത്. വിക്കറ്റ് കീപ്പിങ്ങിലും പന്ത് പരാജയമായിരുന്നു.

രാഹുൽ മികച്ച പ്രകടനമാണ് ഈ സീസണിൽ കാഴ്ച വെച്ചത്. കളിച്ച ആദ്യ മത്സരത്തിൽ ബിഗ് ഇന്നിങ്‌സ് കളിക്കാനായില്ലെങ്കിലും മികച്ച സിക്‌സറുകൾ പിറന്നിരുന്നു. 15 റൺസാണ് സൺറൈസേഴ്സ് ഹൈദരാബാദിനെതിരെയുള്ള മത്സരത്തിൽ നേടിയത്. ശേഷം ചെന്നൈയ്‌ക്കെതിരെയുള്ള മത്സരത്തിൽ താരത്തിന്റെ ഐപിഎല്ലിലെ ഏറ്റവും വലിയ വ്യക്തിഗത സ്കോറും നേടി. 51 പന്തിൽ, മൂന്ന് സിക്‌സറും ആറുഫോറുകളും അടക്കം 77 റൺസാണ് നേടിയത്