മമ്മൂട്ടി നായകനായി എത്തുന്ന ചിത്രമാണ് ബസൂക്ക. മമ്മൂട്ടിയുടെ വ്യത്യസ്‍തമായ ഒരു മലയാള സിനിമയായിരിക്കും ബസൂക്ക എന്നുമാണ് റിപ്പോർട്ടുകൾ സൂചിപ്പിക്കുന്നത്. ബസൂക്കയില്‍ രണ്ട് ലുക്കിലായിരിക്കും മമ്മൂട്ടി എത്തുന്നത് എന്ന് സിദ്ധാര്‍ഥ് ഭരതൻ പറഞ്ഞിരുന്നു. ഇപ്പോഴിതാ ചിത്രത്തിൻ്റെ കേരള അഡ്വാൻസ് ബുക്കിംഗ് തുടങ്ങി എന്ന പുതിയ റിപ്പോര്‍ട്ടാണ് പുറത്ത് വരുന്നത്.
അതേസമയം ബസൂക്കയുടെ റണ്ണിംഗ് ടൈം നേരത്തെ, സിനിമ അനലിസ്റ്റുകളായ സൗത്ത്‍ വുഡ് എക്സിലൂടെ പുറത്തുവിട്ടതും ശ്രദ്ധയാകര്‍ഷിക്കുന്നു. രണ്ട് മണിക്കൂറും 31 മിനിറ്റുമായിരിക്കും ചിത്രത്തിന്റെ ദൈര്‍ഘ്യമെന്നാണ് റിപ്പോര്‍ട്ട്. എന്നാല്‍ ഇതില്‍ മാറ്റങ്ങള്‍ ഉണ്ടായാക്കുമെന്നും സിനിമാ അനലിസ്റ്റുകള്‍ സൂചിപ്പിക്കുന്നുണ്ട്. ചിത്രം ഏപ്രില്‍ 10നാണ് ലോകമെങ്ങുമുള്ള തിയറ്ററുകളില്‍ എത്തുന്നത്.
