കഞ്ചാവ് പിടിച്ച കേസിൽ രണ്ടുപേർ പിടിയിൽ

ഇടക്കൊച്ചിയിൽനിന്ന് അഞ്ചുകിലോ കഞ്ചാവ് പിടിച്ച കേസിൽ രണ്ടുപേർ കൂടി അറസ്റ്റിൽ. പെരുമ്പടപ്പ് സ്വദേശികളായ ദാവീദ്, അഭിജിത് എന്നിവരാണ് പിടിയിലായത്. നേരത്തേ പിടിയിലായ പ്രതികൾക്ക് കഞ്ചാവ് എത്തിച്ച് കൊടുത്തിരുന്നത് ഇവരാണെന്ന് പോലീസ് പറഞ്ഞു. കഞ്ചാവ് പിടിച്ചതിനെ തുടർന്ന് വേളാങ്കണ്ണിയിലേക്ക് ഒളിവിൽപ്പോയ ഇവർ തിരികെ നാട്ടിലെത്തിയപ്പോഴാണ് പള്ളുരുത്തി പോലീസ് ഇവരെ അറസ്റ്റ് ചെയ്തത്.

പ്രതികൾ പോലീസിന്റെ നിരീക്ഷണത്തിലായിരുന്നു. പള്ളുരുത്തി പോലീസ് ഇൻസ്‌പെക്ടർ രതീഷ് ഗോപാലിന്റെ നേതൃത്വത്തിൽ രൂപവത്കരിച്ച സ്‌പെഷ്യൽ ഓപ്പറേഷൻ ടീം അംഗങ്ങളായ എസ്‌ഐ. മാരായ അജ്മൽ ഹുസൈൻ, സന്തോഷ് കുമാർ, ശിവൻകുട്ടി, എഎസ്‌ഐ പോൾ ജോസഫ്, സിപിഒ മാരായ അനീഷ്, വിപിൻ കെ.എസ് എന്നിവരുടെ നേതൃത്വത്തിലാണ് പ്രതികളെ പിടികൂടിയത്.