അതിശൈത്യം: ഡൽഹിയിൽ പ്രൈമറി സ്‌കൂൾ വിദ്യാർഥികളുടെ അവധി നീട്ടി

ഡൽഹിയിലും ഉത്തരേന്ത്യൻ സംസ്ഥാനങ്ങളിലും അതിശൈത്യം തുടരുന്നസാഹര്യത്തിൽ ഡൽഹിയിൽ നഴ്‌സറി മുതൽ അഞ്ചാം ക്ലാസ് വരെയുള്ള കുട്ടികൾക്ക് ശൈത്യകാല അവധി അഞ്ച് ദിവസത്തേക്കുകൂടി നീട്ടി. കനത്ത മൂടൽമഞ്ഞ് വ്യോമ, റെയിൽ ഗതാഗതത്തെ സാരമായി ബാധിച്ചു. ഉത്തരേന്ത്യൻ സംസ്ഥാനങ്ങളിൽ അടുത്ത രണ്ട് ദിവസം ശൈത്യ തരംഗം ശക്തമാകുമെന്ന് കാലാവസ്ഥ നിരീക്ഷണകേന്ദ്രം അറിയിച്ചിട്ടുണ്ട്. ശൈത്യം രൂക്ഷമായതോടെ ജനുവരി ഒന്നുമുതൽ ഡൽഹിയിലെ സ്കൂളുകൾക്ക് സംസ്ഥാന സർക്കാർ അവധി പ്രഖ്യാപിച്ചിരുന്നു.