ഡൽഹിയിൽ 27.4 കോടിയുടെ മയക്കുമരുന്ന് പിടികൂടി

 ഡൽഹിയിലെ ഛത്തർപൂരിൽ വൻ ലഹരിമരുന്ന് വേട്ട. വാഹനത്തിൽ കടത്തിയ 10.2 കോടി രൂപ വിലമതിക്കുന്ന 5.103 കിലോഗ്രാം ഉയർന്ന നിലവാരമുള്ള ക്രിസ്റ്റൽ മെത്താംഫെറ്റാമൈൻ പിടികൂടി. നാല് ആഫ്രിക്കൻ പൗരന്മാർ ഉൾപ്പെടെ വാഹനത്തിലുണ്ടായിരുന്ന അഞ്ച് പേരെ അറസ്റ്റ് ചെയ്തു.

മെത്താംഫെറ്റാമൈൻ കൈമാറ്റം നടക്കുമെന്ന് വിവരം ലഭിച്ചതിനെത്തുടർന്ന് നാർക്കോട്ടിക് കൺട്രോൾ ബ്യൂറോയും (എൻസിബി) ഡൽഹി പോലീസിന്റെ പ്രത്യേക സെല്ലും സംയുക്തമായി നിരീക്ഷണം നടത്തി വരികയായിരുന്നു. തുടർന്നാണ് സംഘം പിടിയിലായത്. സ്ഥലത്തുവെച്ചു നടത്തിയ ചോദ്യം ചെയ്യലിലും സാങ്കേതിക പരിശോധനയിലും ഡൽഹിയിലെ തിലക് നഗറിൽ നിന്നാണ് മയക്കുമരുന്ന് കൊണ്ടുവന്നതെന്ന് കണ്ടെത്തി.