ലോക്‌സഭ-നിയമസഭ തിരഞ്ഞെടുപ്പുകളിൽ ഡിസിസി അധ്യക്ഷന്മാർക്ക് മത്സരവിലക്ക്

ന്യൂഡല്‍ഹി: തിരഞ്ഞെടുപ്പുകളിൽ ഡിസിസി അധ്യക്ഷന്മാർക്ക് മത്സരവിലക്ക് ഏർപ്പെടുത്തി ഹൈക്കമാൻഡ്. ലോക്‌സഭ-നിയമസഭ തിരഞ്ഞെടുപ്പുകളില്‍ സ്ഥാനാര്‍ത്ഥികളാക്കുന്നതില്‍ നിന്നും വിലക്കാനാണ് ഹൈക്കമാന്‍ഡ് നീക്കം. ജില്ലാകോണ്‍ഗ്രസ് അധ്യക്ഷന്മാർ
തിരഞ്ഞെടുപ്പുകളില്‍ സ്ഥാനാര്‍ത്ഥിയാകുന്നതിനോട് കോൺഗ്രസ് നേതൃത്വത്തിന് താല്പര്യമില്ല.

സംഘടനയെ ശക്തിപ്പെടുത്തുന്നതിനും തിരഞ്ഞെടുപ്പുകള്‍ക്ക് ചുക്കാന്‍ പിടിക്കുന്നതിനും ഉള്ള മുഖ്യചുമതല ഡിസിസി അധ്യക്ഷന്മാര്‍ക്കാണെന്നാണ് ഹൈക്കമാന്‍ഡിന്റെ അഭിപ്രായം. അഹമ്മദാബാദില്‍ നടന്ന എഐസിസി യോഗത്തിലാണ് തീരുമാനം അന്തിമമാക്കിയത്. സ്ഥാനാര്‍ത്ഥി നിര്‍ണയത്തില്‍ ഡിസിസി അധ്യക്ഷന്മാര്‍ക്ക് പ്രധാന റോളുണ്ടാകുമെന്നാണ് വിവരം. ഡിസിസി അധ്യക്ഷന്മാരെ ഹൈക്കമാന്‍ഡ് നിയമിക്കുന്ന രീതിയും ഒഴിവാക്കും.