വിൽപ്പനയ്ക്കായി എത്തിച്ചത് 65 കിലോ കഞ്ചാവ്; അഞ്ച് സ്ത്രീകളും ഒരു പുരുഷനുമുൾപ്പെടുന്ന സംഘം പിടിയിൽ

കോയമ്പത്തൂർ: വിൽപ്പന നടത്താനായി കേരളത്തിലേക്ക് കടത്തിക്കൊണ്ടുവന്ന 65 കിലോ കഞ്ചാവുമായി ഒഡിഷ സ്വദേശികൾ പിടിയിൽ. കോയമ്പത്തൂരിൽ വെച്ചാണ് പ്രതികൾ അറസ്റ്റിലായത്. അഞ്ച് സ്ത്രീകളും ഒരു പുരുഷനുമടങ്ങുന്ന സംഘമായിരുന്നു ഇവരുടേത്. ആർപിഎഫ് നൽകിയ വിവരങ്ങളുടെ അടിസ്ഥാനത്തിൽ തൃശൂർ, പെരുമ്പാവൂർ എന്നിവിടങ്ങളിലേക്ക് കഞ്ചാവ് കടത്തുകയായിരുന്നു പ്രതികളുടെ ലക്ഷ്യം. ഒഡിഷ സ്വദേശികളായ ഗലേയ് നായക്, ജപത് ദിങ്കൽ, കാൻഡി ദിങ്കൽ, സുലത നായക്, രുപീന നായക്, ജ്യോത്സ്റാണി ദിങ്കൽ എന്നിവരാണ് പിടിയിലായത്. ആർപിഎഫ് സേലം ഡിവിഷൻ്റെ പ്രത്യേക ലഹരിവിരുദ്ധ സംഘമാണ് പ്രതികളെ അറസ്റ്റ് ചെയ്തത്.