ആഗോളനിക്ഷേപകസംഗമത്തിന് ചെന്നൈയിൽ ഇന്നുതുടക്കം

ഡി.എം.കെ. സർക്കാർ അധികാരത്തിൽവന്നതിനുശേഷമുള്ള ആദ്യ നിക്ഷേപകസംഗമത്തിൽ 450 വിദേശപ്രതിനിധികൾ ഉൾപ്പെടെ 30,000 പേർ രജിസ്റ്റർചെയ്തിട്ടുണ്ട്. ഏഴ്, എട്ട് തീയതികളിലായി നടക്കുന്ന പരിപാടിയിൽ 26 സെഷനുകളിലായി 170 പേർ പ്രഭാഷണം നടത്തുമെന്ന് മുഖ്യമന്ത്രി എം.കെ. സ്റ്റാലിൻ പറഞ്ഞു. ഓസ്‌ട്രേലിയ, യു.കെ., ജർമനി, ഡെന്മാർക്ക്, യു.എസ്., സിങ്കപ്പൂർ, ജപ്പാൻ, ഫ്രാൻസ്, ദക്ഷിണകൊറിയ എന്നീ രാജ്യങ്ങൾ ഔദ്യോഗികപങ്കാളികളാണ്.