പൊങ്കാലയ്ക്കിടെ മോഷണം ; രണ്ട്​ തമിഴ്​ സ്ത്രീകൾ അറസ്റ്റിൽ

തിരുവനന്തപുരം: ആറ്റുകാൽ പൊങ്കാലയ്ക്കിടെ മോഷണം നടത്തിയ രണ്ട്​ തമിഴ്​ സ്ത്രീകൾ അറസ്റ്റിൽ.സ്ത്രീകളുടെയും കുട്ടികളുടെയും ആഭരണങ്ങളും മറ്റ് വിലപിടിപ്പുള്ള വസ്തുക്കളും ഇവർ കവർന്നിരുന്നു.

തമിഴ്നാട് തൂത്തുകുടി സ്വദേശി അനു,മധുര സ്വദേശി ഈശ്വരി എന്നിവരെയാണ് ഫോർട്ട് എസ്.എച്ച്.ഒ ശിവകുമാറിന്റെ നേതൃത്വത്തിലുള്ള സംഘം അറസ്റ്റ്​ ചെയ്തത്​.

പൊങ്കാലദിവസം കിഴക്കേകോട്ട നോർത്ത് സ്റ്റാൻഡിൽനിന്ന്​ ബന്ധുവിനൊപ്പം ബസിൽ കയറുന്നതിനിടെ സുകുമാരി അമ്മയുടെ രണ്ട് പവന്റെ മാല പിടിച്ചുപറിച്ച്​ രക്ഷപ്പെടാൻ ശ്രമിക്കുന്നതിനിടെയാണ്​ ഇവർ പിടിയിലായത്​.

പൊങ്കാലയുടെ തലേദിവസം കിള്ളിപ്പാലം സൂര്യഹോട്ടലിനുസമീപം കലം വാങ്ങുന്നതിനിടെ ശാന്തകുമാരിയുടെ രണ്ടര പവന്റെ മാല മോഷ്​ടിച്ചതും ഇവരാണെന്ന്​ സിസി ടിവി ദൃശ്യങ്ങളിൽനിന്ന്​ തെളിഞ്ഞു.പ്രതികളെ റിമാൻഡ് ചെയ്തു.