ഷാരൂഖ് ഖാന്റെ പത്താനെയും വീഴ്ത്തി ഛാവ മുന്നോട്ട്

ബോളിവുഡ് അടുത്തിടെ പുറത്തിറങ്ങിയ ചിത്രമാണ് ഛാവ. വിക്കി കൗശൽ നായകനായി എത്തിയ ഈ പിരീഡ് ​ഡ്രാമ ചിത്രം ആദ്യദിനം മുതൽ പ്രേക്ഷകർ ഇരുകയ്യും നീട്ടി സ്വീകരിച്ചിരുന്നു. ഒപ്പം ബോക്സ് ഓഫീസിലും വിജയം സ്വന്തമാക്കിയിരുന്നു. റിലീസ് ചെയ്ത് 26 ​ദിവസങ്ങൾ പിന്നിടുമ്പോഴേക്കും ബോളിവുഡിൽ ഏറ്റവും കൂടുതൽ കളക്ഷൻ നേടിയ സിനിമകളുടെ പട്ടികയിൽ നാലാം സ്ഥാനത്ത് എത്തിയിരിക്കുകയാണ് ഛാവ.

അതേസമയം 543.22 കോടി കളക്ഷൻ നേടി നാലാം സ്ഥാനത്തുണ്ടായിരുന്ന പത്താൻ എന്ന ഷാരൂഖ് ഖാൻ ചിത്രത്തെ പിന്നിലാക്കിയാണ് ഛാവ ഈ നേട്ടം സ്വന്തമാക്കിയിരിക്കുന്നത്. 2023ൽ പുറത്തിറങ്ങിയ പത്താൻ 543.22 കോടിയാണ് (എല്ലാ ഭാഷകളും) നേടിയത്. ഇനി ഛാവയ്ക്ക് മുന്നിലുള്ളത് മൂന്ന് സിനിമകളാണ്. അനിമൽ, സ്ത്രീ 2, ജവാൻ എന്നിവയാണ് ആ ചിത്രങ്ങൾ. ഇതിൽ അനിമലിനെ വൈകാതെ തന്നെ ഛാവ മറികടക്കുമെന്നാണ് വിലയിരുത്തലുകൾ.