പച്ചകുത്തിയിരിക്കുന്നത് വലിയ തെറി; നാനിയുടെ പടത്തിന്‍റെ ടീസര്‍ വിവാദത്തില്‍ !

നാനി നായകനായി എത്തുന്ന പുതിയ ചിത്രമാണ് ‘ദ പാരഡൈസ്’. ശ്രീകാന്ത് ഒഡേലയാണ് നാനിയുടെ ചിത്രം സംവിധാനം ചെയ്യുന്നത്. ശ്രീലക്ഷ്‍മി വെങ്കടേശ്വര സിനിമാസിന്റെ ചിത്രത്തിന്‍റെ അനൗണ്‍സ്മെന്‍റ് ടീസര്‍ ദൃശ്യങ്ങള്‍ കഴിഞ്ഞ ദിവസം പുറത്തുവിട്ടിരുന്നു.

ഇപ്പോൾ ടീസറിലെ ഒരു രംഗം വലിയ വിവാദമായിരിക്കുകയാണ്. ഇതില്‍ നായകന്‍റെ കൈയ്യില്‍ പച്ചകുത്തിയിരിക്കുന്നത് വലിയ തെറിയാണ് എന്നതാണ് പ്രശ്നമായിരിക്കുന്നത്. മലയാളത്തില്‍ അടക്കം എല്ലാ ഭാഷകളിലെ ടീസറിലും ഇതുണ്ട്.
ഇതിനെതിരെ സോഷ്യല്‍ മീഡിയയില്‍ വിമര്‍ശനം ഉയരുന്നുണ്ട്.

അടുത്തിടെ സിനിമ രംഗത്തെ വയലന്‍സ് അടക്കമുള്ള ചര്‍ച്ചകള്‍ സജീവമായിരുന്നു. നാച്യുറല്‍ സ്റ്റാര്‍ എന്ന് വിശേഷിപ്പിക്കപ്പെടുന്ന നാനിയുടെ ചിത്രത്തില്‍ ആരും ഇത് പ്രതീക്ഷിച്ചില്ല എന്ന രീതിയിലാണ് അഭിപ്രായങ്ങള്‍ വരുന്നത്. ദ പാരഡൈസ് റോ സ്റ്റേറ്റ്മെന്‍റ് എന്ന പേരിലാണ് കഴിഞ്ഞ ദിവസം ദൃശ്യങ്ങള്‍ പുറത്ത് എത്തിയത്.