നാനിയുടെ ബിഗ് ബജറ്റ് ചിത്രം; ‘ദി പാരഡൈസ്’ ആദ്യ ഗ്ലിംപ്‌സ് എത്തി

ശ്രീകാന്ത് ഒഡേലയും നാനിയും വീണ്ടും ഒന്നിക്കുന്ന ചിത്രമാണ് ‘ദി പാരഡൈസ്’ . ഈ ബിഗ് ബജറ്റ് ചിത്രത്തിന്റെ ആദ്യ ഗ്ലിംപ്‌സ് പുറത്തുവിട്ടു. സിക്‌സ് പാക്ക് ഗെറ്റപ്പില്‍ പുത്തന്‍ മേക്കോവറിലാണ് നടന്‍ വീഡിയോയില്‍ പ്രത്യക്ഷപ്പെടുന്നത്. അനിരുദ്ധ് രവിചന്ദറാണ് സിനിമയുടെ സംഗീതം നിര്‍വഹിക്കുന്നത്.

ശ്രീ ലക്ഷ്മി വെങ്കടേശ്വര സിനിമാസിന്റെ ബാനറില്‍ നസുധാകര്‍ ചെറുകുരിയാണ് നിര്‍മാണം. നാനിയുടെ കരിയറിലെ ഏറ്റവും ചിലവേറിയ ചിത്രങ്ങളിലൊന്നായാണ് ‘ദ് പാരഡൈസ്’ ഒരുങ്ങുന്നത്. ജി.കെ. വിഷ്ണുവാണ് ഛായാഗ്രഹണം. എഡിറ്റിങ് നവീന്‍ നൂലി.

ഹിറ്റ് 3 എന്ന സിനിമയും നാനിയുടേതായി അണിയറയില്‍ ഒരുങ്ങുന്നുണ്ട്. നാനിയുടെ 32-ാമത് ചിത്രമാണിത്. ഡോ. ശൈലേഷ് കോലാനു സംവിധാനം ചെയ്യുന്ന ഈ ചിത്രം നിര്‍മിക്കുന്നത് വാള്‍ പോസ്റ്റര്‍ സിനിമയുടെ ബാനറില്‍ പ്രശാന്തി തിപിര്‍നേനിക്കൊപ്പം നാനിയുടെ യുനാനിമസ് പ്രൊഡക്ഷന്‍സും ചേര്‍ന്നാണ്. 2025 മെയ് ഒന്നിന് ചിത്രം ആഗോള റിലീസായെത്തും. ശ്രീനിധി ഷെട്ടിയാണ് ചിത്രത്തിലെ നായിക.