റമസാൻ മാസാരംഭം: ഷാർജ നഗരസഭ പാർക്കിങ് സമയം ദീർഘിപ്പിച്ചു

ഷാർജ: റമസാൻ മാസാരംഭത്തോടനുബന്ധിച്ച് ഷാർജ നഗരസഭ പാർക്കിങ് സമയം ദീർഘിപ്പിച്ചു. രാവിലെ 8 മുതൽ അർധരാത്രി വരെ പാർക്കിങ്ങിന് ഫീസ് അടയ്ക്കണം. ആരാധനാലയങ്ങളിൽ പ്രാർത്ഥനക്ക് എത്തുന്നവർക്കായി സമീപപ്രദേശങ്ങളിൽ സൗജന്യ പാർക്കിങ് സജ്ജമാക്കിയാതായി അധികൃതർ അറിയിച്ചു.

അതേസമയം ബാങ്ക് വിളിച്ചതു മുതൽ ഒരു മണിക്കൂർ നേരത്തേക്ക് മാത്രമാണ് ഇവിടങ്ങളിൽ സൗജന്യ പാർക്കിങ്ങിന് അനുവാദം ഉള്ളൂ. അല്ലാത്ത സമയങ്ങളിൽ പണം അടയ്ക്കണം. റമസാനിൽ പാർക്കുകൾ വൈകിട്ട് 4 മുതൽ അർധരാത്രി വരെ തുറക്കുമെന്നും നഗരസഭ അറിയിച്ചു. ഷാർജ നാഷനൽ പാർക്ക്, റോള പാർക്ക്, അൽസെയൂ ഫാമിലി പാർക്ക്, അൽസെയൂ ലേഡീസ് പാർക്ക് എന്നിവ പുലർച്ചെ ഒരു മണി വരെ തുറന്നു പ്രവർത്തിക്കും.